Ibinahagi ni blockbuster director Direk Cathy Garcia ang love story nila ng mister niyang si Louie Sampana nang kapanayamin siya ni Bernadette Sembrano.
Sa latest episode ng vlog ng Kapamilya broadcast-journalist, sinabi ni Direk Cathy na 20 taon daw ang agwat ng edad nila ni Louie.
“Naging camera man ko siya totoy na totoy pa in ‘Got To Believe’ with KathNiel. Ang tawag ko sa kaniya, anak. Ang tawag niya sa akin, nanay.
Ngayon ko lang napansin—kasi hindi ko naman siya natititigan dati—‘hmmmm may hitsura pala ‘tong batang ‘to.’ Tapos ‘yon na, the rest is history.”
2 Ben&Ben members, ikinasal na sa isa't isa
Dagdag pa ng direktor, minahal daw ni Louie ang mga kaniyang mga anak sa nauna niyang asawang si Philip Molina na namatay sa isang aksidente noong 2009.
“Dumating sa point na nale-left out na ko. Nagseselos na ako. Kasi mas malapit ‘yong taon nila kaysa sa taon namin,” aniya.
Matatandaang ikinasal sina Direk Cathy at Louie noong nakaraang taon, Mayo 3, sa Zambales.
