How true ang mga kumakalat na tsika at intrigang isa rin sa mga nakaranas ng "malikot na kamay" ng kaniyang co-star sa isang show ang Kapuso sexy actress na si Kim Domingo?
Kumakalat kasi sa ilang social media page na umano'y isa rin si Kim sa mga hindi nakaligtas na artistang may karanasan sa mga ganitong mga kasamahan sa showbiz na hindi makapagtimpi.
Sa ulat ng isang lokal na pahayagan, natatanong si Kim kung may katotohanan ba ang mga tsikang ito o iniintriga lang siya.
Nabanggit pa rito na sa ngayon daw, wala pa namang sey mula sa kampo ng aktres kung magrereklamo rin ba siya sa isang pamilyadong artista na "nanghipo" raw sa kaniya.
'Friend zone!' Dominic nag-react kay 'Senyora' na friends lang sila ni Kathryn
Lumutang ang ganitong intriga kay Kim ilang araw matapos pumutok ang balita ng pagsasampa ng kasong "act of lasciviousness" ni Kapuso actress-singer Rita Daniela sa "Widow's War" co-star na si Archie Alemania.
Hindi naman malinaw kung sa aling show ni Kim sa Kapuso Network nangyari daw ang ganitong insidente, kung kailan, at sino ang "perpetuator."
Sa ngayon, Kapuso artist pa rin si Kim pero "nahiram" siya sa ABS-CBN action-drama series na "FPJ's Batang Quiapo" ni Coco Martin.
Kung totoo man ang intrigang ito, may lubos na karapatan si Kim para lumutang at sampahan ng reklamo kung sinuman ang gumawa nito sa kaniya noon.
Habang isinusulat ang artikulong ito, wala pang tugon, reaksiyon, o pahayag ang kampo ni Kim sa mga kumakalat na intrigang ito. Bukas ang Balita sa kaniyang panig.
KAUGNAY NA BALITA: Rita Daniela, sinampahan ng kasong ‘acts of lasciviousness’ si Archie Alemania
