Inispluk ng showbiz insider na si Ogie Diaz ang pagbabalik-Kapamilya umano ni TV host-actress Maja Salvador.
Sa latest episode ng “Showbiz Updates” noong Lunes, Oktubre 7, sinabi ni Ogie na pinaghahandaan na umano ni Maja ang pagbabalik nito matapos managanak.
MAKI-BALITA: Maja Salvador, nanganak na!
“Ito nga, may magbabalik-Kapamilya na rin. [...] Itago natin sa pangalang Maja Salvador,” saad ni Ogie.
JC De Vera, na-offend sa 'biro' ni Alex Gonzaga
“Alam mo ba ngayon ay talagang si Maja ay sumasayaw-sayaw na pagkapanganak. I mean, nagpapaganda na ng katawan para sa kaniyang pagbabalik nga ay bonggang-bongga,” wika niya.
Dagdag pa ng showbiz insider: “Welcome back, Maja Salvador. At sana tuloy-tuloy na ‘yan.”
Fortunately–ayon kay Ogie–hindi raw kasama ang aktres sa mga artistang hindi na makakabalik sa ABS-CBN matapos umexit nang malagay ang TV network sa alanganin dahil sa umano’y isyu ng prangkisa noong 2020.
Pero sa kasalukuyan, habang isinusulat ang artikulong ito, wala pang ibang detalye kung kailan magbabalik si Maja o anong proyekto ang kaniyang gagawin.
Bukod dito ay wala pa rin siyang inilalabas na anomang upang kumpirmahin o pabulaanan ang nasabing tsika.
Matatandaang “The Iron Heart” ang huling proyekto ni Maja sa ABS-CBN kung saan siya nagkaroon ng special participation.
Samantala, bago naman siya manganak ay nagkaroon pa sila ni Vic Sotto ng sitcom na pinamagatang “Open 24/7.”
