Magkano kaya umaabot ang nag-viral na Outfit Of The Day (OOTD) ni two-time Olympic gold medalist Carlos Yulo?
Matatandaang inulan ng samu’t saring reaksiyon ang Instagram post ni Caloy matapos niyang ibahagi ang kaniyang OOTD, suot ang crop top at Louis Vuitton brands noong Setyembre 29, 2024.
KAUGNAY NA BALITA: Chloe, inurirat kung crop top niya suot ni Caloy
Bunsod ng nasabing post, naglabasan tuloy ang iba’t ibang bersyon ng mga male personalities na minsan na ring ibinida ang kani-kanilang crop top outfits. Kaya naman sa pagdagdag ni Caloy sa listahan ng mga kalalakihang nagsuot ng crop top, tila siya pa rin ang number one dahil sa umano’y bigating presyo ng kaniyang outfit!
Rayver Cruz, todo-bigay kapag nagmahal
KAUGNAY NA BALITA: KILALANIN: Male personalities na 'slaying' sa pagsuot ng crop top
Narito ang umano’y breakdown ng presyo ng OOTD ni Golden Boy, ayon sa isang fashion magazine na Preview.
Graphic Badge Slim 3 Stripe Tee
Ang trending Adidas crop top ni Caloy ay ‘di umano’y nagkakahalaga ng tinatayang ₱2,082, kaya naman pati ang official Adidas Instagram account ay hindi rin naiwasang magkomento sa post ni Caloy.
“Gold medal fit!” saad ng brand sa comment section.
OnTheGo East West Handbag at LV Coin Purse
Tinatayang nasa ₱179,228 umano ang LV bag na nakasabit sa matipunong katawan ng Olympic champion. Hindi lang ‘yan, bukod sa gintong presyo ng nasabing bag, hindi rin pala biro ang presyo ng LV coin purse nito na nagkakahalaga umano ng ₱22,524.
Adrian Leather Platform Tassel Loafers
Ang blackshoes naman ni Caloy? Tinatayang ₱10,081 naman.
Tila kinumpleto ni Caloy ang presyo ng kaniyang OOTD from mula pantaas hanggang talampakan!
Anong sey mo? Aawra ka rin ba ng ganitong kamahal o mas mahal pa kung isa kang milyonaryo?
Kate Garcia
