Iminungkahi ni Broadway Diva at Filipino pride Lea Salonga na gawing National Artist ang tinaguriang Comedy King ng Pilipinas na si Dolphy.
Sa panayam kasi ng mga media personnel kay Lea noong Byernes, Setyembre 21, naitanong sa kaniya ang tungkol sa mga fans niya na ikinakampanya ang pagiging National Artist niya.
Pero tumanggi ang Broadway Diva na magbigay ng pahayag hinggil dito. Sa halip, sinabi niya na may higit pa raw na deserving para sa nasabing karangalan.
"There are folks far more deserving [than me] and whose National Artist Awards are long overdue. I would love to see somebody like Dolphy, for example,” saad ni Lea.
Pagpapakasal dahil lang sa anak, 'di bet ni Janella Salvador
“I think he should be heralded first. Hopefully, I will be given an opportunity to champion him. We have to judge him as an artist for his body of work," wika niya.Dagdag pa niya: “He has contributed so much— even those where he is cross dressing. It lends so much tolerance and acceptance towards the LGBTQIA+ community. Even if that was not his intention at the time. That was an effect.”
Matatandaang kabilang si Lea sa mga artistang ginawaran sa ginanap na 2024 Gawad CCP para sa Sining dahil sa mga tagumpay na nakamit niya sa teatro.
