Aminado si dating Vivamax sexy actress AJ Raval na nagsisi raw siyang gumanap ng mga sexy role sa pelikula at serye.
Sa isang episode ng “Fast Talk with Boy Abunda” kamakailan, sinabi niya na bagama’t nagsisisi, mayroon naman daw siyang mga natutuhan.
Aniya, “Wala na po akong magagawa, Tito Boy. Nagawa ko na. Pero ang maganda po do’n, marami po akong natutunan.”
“Nagawa ko na po ‘to. Hindi na po siya gagawin ng mga anak ko,” dugtong pa ni AJ.
Sey tuloy ni Boy, “Napakaganda no’n. ‘Yong leksyon nilipat mo sa mga anak mo. Ang galing.”
Darryl Yap, bumwelta kay Vivoree Esclito: 'Mag-ahit ka!'
Kaya naman wala na raw balak pang tumanggap ng sexy roles si AJ kahit suportado siya ni Aljur sa bagay na ito, lalo na ngayong may anak na siya.
“As a partner,” saad niya, “rerespetuhin ko si Aljur na magdedesisyon ako na kung ano ‘yong hindi ko dapat gawin.”
Matatandaang minsan na rin inihayag ang wakas ng hubadera era niya nang sumalang siya sa isang panayam noong Agosto 2024.
Maki-Balita: Early retirement? AJ, 'di na babalik sa hubadera era sa Vivamax
Sa ngayon, gusto raw ni AJ na sumabak sa iba’t ibang uri ng pag-arte. Natuklasan din daw kasi niya sa pagganap niya sa “Magpakailanman” na magaling umano siyang umiyak.
