Heart, nag-donate ng P1.5M sa Senate Spouses Foundation, Inc.

By Mary Joy Salcedo

July 30, 2024

In BALITA National

Nag-donate ang aktres at fashion icon na si Heart Evangelista-Escudero ng ₱1.5-million sa Senate Spouses Foundation, Inc. (SSFI) bilang pangulo nito.

Sa isang Facebook post nitong Martes, Hulyo 30, ibinahagi ng Senado na galing ang naturang donasyon ni Heart sa kita ng pagbebenta ng hand-painted, vintage luxury bag mula sa kaniyang personal collection.

"As President of the Senate Spouses Foundation Inc., I consider it extremely important to personally contribute to the cause of the foundation. The mantle of leadership, as I have been taught, begins by having skin in the game and one must always have something to give," mensahe ni Heart nang i-turnover ang kaniyang cash donation.

Tinanggap naman ni SSFI vice president Special Envoy to the United Arab Emirates for Trade and Investment Kathryna Yu-Pimentel at Nancy Dela Rosa ang kontribusyon sa ginanap na seremonya sa Senado.

Samantala, nagpasalamat din si Heart, kasama ang iba pang mga opisyal ng SSFI, sa mga pribadong kompanya at mga indibidwal na sumuporta raw sa mga naging aktibidad ng kanilang foundation, kasama na ang kanilang relief operations.

"To all of our dedicated sponsors whose generous contributions have not only jumpstarted our initial operations, but also will keep us moving forward, you have made our foundation's work not only possible but also sustainable and truly impactful," saad ni Heart.

Matatandaang noong Hunyo 5, 2024 nang manumpa si Heart bilang pangulo ng SSFI, ilang araw matapos manumpa bilang Senate President ang asawa niyang si Senador Chiz Escudero noong Mayo 20, 2024.

BASAHIN: Heart Evangelista, may posisyon na sa Senado

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...

VP Sara, nakipag-meet and greet sa 'Inday Sara Supremacy'

Masayang ibinahagi ni Vice President Sara Duterte nitong Sabado, Setyembre 21, ang kaniyang pag-meet and greet sa kaniya raw mga kaibigan sa “Inday Sara Supremacy.”Sa kaniyang Facebook post, nagbahagi si Duterte ng ilang mga larawan ng pakikipanayam daw niya sa grupo noong nakaraang buwan sa Davao City.“Masaya ako na nakasama ang ating mga kaibigan sa Inday Sara Supremacy noong nakaraang...