Isang bagong proyekto ang sumalubong kay TV host-actor Luis Manzano matapos niyang pumirma ulit ng kontrata sa ABS-CBN.
Sa kaniyang contract signing na ginanap nitong Martes, Hulyo 2, inanunsiyo ng ABS-CBN na si Luis daw ang magsisilbing host sa upcoming game show na “Rainbow Rumble.”
“Congratulations on hosting the newest and most colorful game show on ABS-CBN, ‘Rainbow Rumble,” bati ng host na si Ai dela Cruz kay Luis.
“Yes, malapit na malapit na po ang ‘Rainbow Rumble.’ Kasi eksakto ‘yan, Ai, maraming naka-miss ng mga ibang game show ng ABS-CBN,” saad ni Luis.
Pagpapakasal dahil lang sa anak, 'di bet ni Janella Salvador
Dagdag pa niya: “If na-miss n’yo ang dating ‘Game Ka Na Ba?’ If na-miss n’yo ang ‘Potlock’ dati ng ‘It’s Your Lucky Day.’ So, ito ibabalik namin ‘yong gano’ng klaseng excitement, gano’ng klaseng game show, para sa inyo lahat ‘yon.”
Samantala, bukod kay Luis, pumirma rin ng kontrata sa ABS-CBN ang misis niyang si Jessy Mendiola na nagbabalik-Kapamilya, na hindi umano inasahang makakabalik pa sa showbiz industry.
MAKI-BALITA: Jessy Mendiola, hindi inasahang makakabalik pa sa showbiz
