Dennis Trillo, dinepensahan ng manager kaugnay ng 'hacking incident'-Balita

Pinaigting ni Becky Aguila, founder ng Aguila Entertainment, ang nauna na nilang opisyal na pahayag kaugnay sa pinag-usapang sarkastiko at patanong na komento ng kanilang talent na si Kapuso Drama King Dennis Trillo patungkol sa former home network nito na ABS-CBN.

Matatandaang kinuyog ng Kapamilya fans si Dennis nang magkomento siya ng "May ABS pa ba?" matapos tanungin ng isang netizen sa kaniyang TikTok account kung bakit wala ang misis na si Jennylyn Mercado sa latest GMA station ID 2024.

Agad namang nabura ang komentong ito at naka-off na rin ang comment section, subalit marami nang nakapag-screenshots nito, at kinuyog na nga ng bash si Dennis, kabilang na ang iba't ibang fan-based page ng Kapamilya Network.

MAKI-BALITA: Tanong ni Dennis Trillo kung 'May ABS pa ba?' dinagsa ng batikos

Matapos mag-viral ay naglabas naman ng opisyal na pahayag ang Aguila Entertainment at sinabing hindi si Dennis ang gumawa nito, kundi na-hack daw ang TikTok account ng aktor.

MAKI-BALITA: Nagawa nga bang pasaringan ni Dennis Trillo ang dating home network?

Sa pagdepensa naman ni Becky, sinabi niyang wala sa karakter ni Dennis ang pagsasabi ng mga ganoong bagay laban sa kaniyang dating home network.

"As for Dennis’ alleged comments on Tiktok, it was not him. Dennis is a very humble and respectful and known to be a man of few words. He is not the type who would release comments that are insensitive to others most specially to his former colleagues in ABS-CBN where he was first launched via Star Circle. His account was hacked yesterday as what our official statement said," anang Becky.

"Hope these clears everything. We appeal to the public to stop spreading hate and false accusations online. Thank you," dagdag pa.

Bukod dito, nagsalita na rin ang manager patungkol sa hindi matapos-tapos na intriga tungkol sa network transfer daw ng misis ni Dennis at talent din nilang si Jennylyn Mercado. Ipinaliwanag din ng manager kung bakit wala si Jen sa latest GMA Station ID 2024.

MAKI-BALITA: Manager, nagsalita sa isyu ng network transfer ni Jennylyn Mercado

MAKI-BALITA: Rason kung bakit wala si Jennylyn Mercado sa Kapuso Station ID, nabunyag!

Riot sa basketball championship sa Muntinlupa, iimbestigahan ni Mayor Biazon

Ikinalungkot ni Muntinlupa Mayor Ruffy Biazon ang nangyaring kaguluhan sa championship game ng dalawang barangay sa lungsod sa ginanap na La Liga de Muntinlupa Basketball Tournament 2024 nitong Hulyo 5.Nangyari ang kaguluhan nang magkaroon ng komprontasyon sa pagitan ng isang player at ng referee. Dahilan para magtungo ang mga tao sa loob ng court at nagbabato ng mga monoblock chairs at mga bote...

Petisyong kanselahin birth certificate ni Alice Guo, inihain ng OSG

Pormal nang inihain ng Office of the Solicitor General (OSG) sa Tarlac City Regional Trial Court ang petisyong kanselahin ang birth certificate ni suspended Bamban, Tarlac Mayor Alice Guo.Base sa ulat ng Manila Bulletin, inihain ng OSG, sa ngalan ng Philippine Statistics Authority (PSA), ang petisyon ng pagkansela ng certificate of live birth (COLB) ni Guo nitong Biyernes, Hulyo 5.Inihayag ng OSG...

Go sa isinampang kaso ni Trillanes sa kanila ni FPRRD: 'Our conscience is clear'

Itinanggi ni Senador Bong Go na may katotohanan ang tungkol sa kasong plunder at graft na inihain ni Senador Antonio Trillanes IV laban sa kanila ni dating Pangulong Rodrigo Duterte.Matatandaang nitong Biyernes, Hulyo 5, nang maghain si Trillanes ng plunder at graft complaints laban kina Go at Duterte sa Department of Justice (DOJ) kaugnay ng umano’y anomalya sa kabuuang ₱6.6 billion...