Nagkapikunan: OFW, binigti ng kinakasama

By Mary Ann Santiago

July 02, 2024

In BALITA Metro

Isang overseas Filipino worker (OFW) ang patay matapos umano'y bigtihin ng kaniyang kinakasama nang magkapikunan sila habang nag-iinuman sa Malate, Manila nitong Lunes ng gabi.

Kaagad na binawian ng buhay ang biktimang si Flordeliza Talaro, 27, OFW, habang arestado naman ang suspek na si Jhunrey Bastasa, 33, construction worker, kapwa residente ng Gumamela St., sa Malate.

Batay sa ulat ni PSMS Jason Ibasco, ng Homicide Section ng Manila Police District (MPD), nabatid na dakong alas-8:40 ng gabi nang maganap ang krimen sa loob mismo ng nirerentahang apartment ng mag-live-in partner.

Lumilitaw na bago ang pagpatay ay nagkayayaan umano ang biktima at suspek na mag-inuman.

Gayunman, sa hindi pa batid na kadahilanan, habang nag-iinuman ang mga ito ay nagkaroon sila ng mainitang pagtatalo na nauwi sa sakitan.

Nagawa namang makadampot ng suspek ng isang nylon belt, na siyang ginamit niya upang bigtihin ang biktima.

Nakapiit na ang suspek at sasampahan ng kasong pagpatay sa piskalya

Riot sa basketball championship sa Muntinlupa, iimbestigahan ni Mayor Biazon

Ikinalungkot ni Muntinlupa Mayor Ruffy Biazon ang nangyaring kaguluhan sa championship game ng dalawang barangay sa lungsod sa ginanap na La Liga de Muntinlupa Basketball Tournament 2024 nitong Hulyo 5.Nangyari ang kaguluhan nang magkaroon ng komprontasyon sa pagitan ng isang player at ng referee. Dahilan para magtungo ang mga tao sa loob ng court at nagbabato ng mga monoblock chairs at mga bote...

Petisyong kanselahin birth certificate ni Alice Guo, inihain ng OSG

Pormal nang inihain ng Office of the Solicitor General (OSG) sa Tarlac City Regional Trial Court ang petisyong kanselahin ang birth certificate ni suspended Bamban, Tarlac Mayor Alice Guo.Base sa ulat ng Manila Bulletin, inihain ng OSG, sa ngalan ng Philippine Statistics Authority (PSA), ang petisyon ng pagkansela ng certificate of live birth (COLB) ni Guo nitong Biyernes, Hulyo 5.Inihayag ng OSG...

Go sa isinampang kaso ni Trillanes sa kanila ni FPRRD: 'Our conscience is clear'

Itinanggi ni Senador Bong Go na may katotohanan ang tungkol sa kasong plunder at graft na inihain ni Senador Antonio Trillanes IV laban sa kanila ni dating Pangulong Rodrigo Duterte.Matatandaang nitong Biyernes, Hulyo 5, nang maghain si Trillanes ng plunder at graft complaints laban kina Go at Duterte sa Department of Justice (DOJ) kaugnay ng umano’y anomalya sa kabuuang ₱6.6 billion...