Nagbigay ng reaksiyon ang aktres na si Danica Sotto sa patotoo at pagtatanggol ng isang kaibigan sa kaniyang mister na si Marc Pingris o tinatawag na "Pinoy Sakuragi" ng basketball, dahil sa intrigang ipinupukol ngayon sa kaniya sangkot ang aktres na si Kim Rodriguez.
Iniintriga kasi ng mga netizen lalo na sa X ang umano'y tila pagkakapareho ng location kung saan sila nagpa-picture, na ibinahagi nila sa kani-kanilang social media accounts.
Makikita sa background ng kanilang photo na sila ay nasa Sydney Opera House.
Bukod dito, pinansin din ng mga malisyosong netizen ang tila "couple shoes" na suot nila dahil sa pagkakapareho ng kulay at disenyo.
Negosasyon sa renewal ng It's Showtime sa GMA, pinoproseso na!
Ayon pa sa ilang X users, nabasa nila sa isang blind item ang tungkol sa tsika, na sinegundahan pa sa napaulat ng "Fashion Pulis" na tila nagkapareho din ng background sa pic ang dalawa, na kuha naman kasama ang ilang staff ng isang flavored fried potato kiosk.
MAKI-BALITA: Nagkataon lang? Kim Rodriguez, Marc Pingris iniintrigang magkasama
Ngunit palag naman dito ng BFF ni Danica na si Pebbles Duque, malabong gawin ni Marc ang cheating dahil kilala niya ito. Ibinahagi pa ni Pebbles ang ulat ng Balita tungkol dito.
"Ay nako. He wont do that. Maraming priorities si Marc. They have a beautiful family," aniya.
Sa isa pang Facebook post, sinabi ni Pebbles na matagal na raw kuha ang litrato ni Marc, noon pang Pebrero.
"Re Marc Pingris:
That photo was taken before pa Feb 16.
My besfriend Danica and him have a very beautiful family.
Holy week na, dasal na lang po tayo para naman mabawasan yung mga kasalanan natin," aniya.
Makikita naman sa comment section ang reply rito ng misis ni Marc na si Danica.
"kalma miga! we love you," aniya.
Tugon naman ni Pebbles, "Danica Anna Sotto-Pingris buti ka pa, kalma!"
Sey naman ng isa pang commenter na malapit sa dalawa, "ate pebs! tayo hindi kalma, gigil! hahaha."
MAKI-BALITA: Beshy ni Danica Sotto, nagsalita sa pang-iintriga kina Marc Pingris, Kim Rodriguez
Nakipag-ugnayan ang Balita sa talent manager ni Kim na si Ogie Diaz ngunit sinabi nitong magbibigay siya ng komento tungkol sa isyu sa kaniyang entertainment vlog na "Ogie Diaz Showbiz Update." Samantala, wala pang tugon, reaksiyon, o pahayag si Marc o si Kim tungkol sa isyu.
