Napatay na ng militar ang umano'y mastermind sa pambobomba sa Mindanao State University (MSU) sa Marawi City noong Disyembre 2023.

Ito ang kinumpirma ng Armed Forces of the Philippines (AFP) nitong Lunes at sinabing nakilala ang lider ng Dawlah Islamiyah terror group na si Khadafi Mimbesa, alyas 'Engineer.'

Ipinahayag ni AFP- public affairs office chief Col. Xerxes Trinidad, napatay si Mimbesa sa isinagawang operasyon ng militar sa Lanao del Sur nitong nakaraang buwan.

Probinsya
Catanduanes, niyanig ng magnitude 6.1 na lindol

Catanduanes, niyanig ng magnitude 6.1 na lindol

"The efforts of the (Philippine Army) 103rd Brigade, under the leadership of their commander, Brig. Gen. Yegor Rey Barroquillo Jr., resulted in the neutralization of local terrorists and armed members of the Dawlah Islamiyah (DI) in Lanao del Sur on Jan. 25-26, 2024, who were identified as perpetrators of the fatal bombing at Mindanao State University (MSU) on December 3, 2023," ani Trinidad.

Paliwanag ni Trinidad, ang pagkasawi ni Mimbesa ay kinumpirma ng isang miyembro ng DI-Maute Group na sumuko sa 2nd Mechanized Brigade nitong Linggo.

Narekober sa naturang operasyon ang siyam na high-powered firearms, isang bandolier, apat na handheld radio at isang cellular phone. 

PNA