Niyanig ng 5.8-magnitude na lindol ang bahagi ng Agusan del Norte nitong Sabado ng umaga, ayon sa Philippine Institute of Volcanology and Seismology (Phivolcs).
Dakong 11:22 ng umaga nang maramdaman ang sentro ng lindol limang kilometro mula sa timog kanluran ng Las Nieves.
Ang pagyanig na lumikha ng lalim na 30 kilometro ay dulot ng tectonic.
Probinsya
2 roving pulis, patay sa tama ng kidlat
Naramdaman din ang Intensity V sa Las Nieves, Agusan del Norte; Intensity IV sa Libona at San Fernando sa Bukidnon; Iligan City, Gingoog, Jasaan, Magsaysay, at Medina sa Misamis Oriental; City of Bayugan, Prosperidad, at Talacogon sa Agusan del Sur; Intensity III sa Jagnam Bohol; Baungon, Cabanglasan, Impasug-ong, Kitaotao, City of Malaybalay, Malitbog, Manolo Fortich, Maramag, Quezon, Talakag, at City of Valencia sa Bukidnon; City of El Salvador sa Misamis Oriental; Mawab at Nabunturan, Davao de Oro; City of Digos, Davao del Sur; City of Davao, at Hinatuan sa Surigao del Sur; Intensity II sa Inabanga, at Loboc, Bohol; Don Carlos at Kalilangan sa Bukidnon; Catarman, Guinsiliban, Mahinog, Mambajao, at Sagay sa Camiguin; Matanao, Davao del Sur; Banisilan, City of Kidapawan, Makilala, at Tulunan, Cotabato, at Intensity I naman sa Magsaysay, Davao del Sur; Arakan at Kabacan, Cotabato; City of Marawi sa Lanao del Sur.
Babala ng Phivolcs, asahan pa ang aftershocks at pinsala na dulot ng lindol.
