Timbog ang isang pulis at isa pa niyang kasabwat matapos umanong magbenta ng ₱4 milyong halaga ng shabu sa isang food chain sa Cotabato City nitong Biyernes ng gabi.

Ang dalawang suspek ay kinilala ng Philippine Drug Enforcement Agency-Bangsamoro Autonomous Region in Muslim Mindanao (PDEA-BARMM) na sina Staff Sgt. Mujeeb Bitayo Sepi, nakatalaga sa Sultan Kudarat Municipal Police Station sa Maguindanao del Norte, at Farida Alim Alfonso.

Probinsya
Catanduanes, niyanig ng magnitude 6.1 na lindol

Catanduanes, niyanig ng magnitude 6.1 na lindol

“The suspects agreed to sell the prohibited stuff to an undercover PDEA agent at 7 p.m. along Quezon Avenue in this city,” ayon kay PDEA-BARMM chief Gil Cesario Castro, nitong Sabado.

Sa report, inaresto ng mga tauhan ng PDEA, at 5th Marine Battalion Landing Team ang dalawang suspek sa ikinasang buy-bust operation sa naturang lugar.

Bukod sa ilegal na droga, nasamsam din kina Sepi at Alfonso ang isang pistol at dalawang mobile phone.

Nahaharap na sa kasong paglabag sa Republic Act 9165 (Comprehensive Dangerous Drugs Act of 2002) ang dalawang suspek.

PNA