Patay ang tatlo katao, kabilang isang senior citizen na maysakit at isang bata, sa naganap na sunog sa Molo, Iloilo City nitong Sabado ng madaling araw.
Probinsya
Bilang ng mga nawawala sa MV Trisha Kerstin 3, hindi pa rin matukoy; mga nasawi, sumampa na sa 42!
Kinilala ni City Social Welfare and Development Office chief Teresa Gelogo, ang tatlo na sina Elizabeth Jetano, at anak at apong sina sina Nell Gabriel, 33, at Rain, 10, ayon sa pagkakasunod.
Dakong 2:59 ng madaling araw nang maganap ang insidente sa isang residential area sa Zone 3, Barangay Habog-Habog Salvacion, Molo.
"They were probably trapped inside the house,” ani Gelogo.
Wala ang asawa ni Jetano na si Nestor, isang kagawad, sa nabanggit na lugar nang maganap ang insidente, dahil nasa duty ito bilang security guard.
Binigyan na ng financial assistance ang pamilya ng tatlong nasawi, ayon naman sa pahayag ng Department of Social Welfare and Development (DSWD).
Umaabot na sa ₱6.664 milyon ang naabong ari-arian sa insidente, ayon naman sa pahayag ng Bureau of Fire Protection (BFP).
PNA
