Patay ang isang lalaki matapos pagbabarilin ng riding-in-tandem habang bumibili ng pagkain sa Tondo, Maynila nitong Martes ng gabi.
Dead on the spot ang biktimang si Joseph Lugtu, 27, taga-2228 V. Serrano St., Gagalangin, Tondo, sanhi ng apat na tama ng bala sa katawan.
Sa imbestigasyon ni Corporal Christian Pineda, ng Manila Police District (MPD)- Homicide Section, ang insidente ay naganap sa panulukan ng Maria Guizon St., at Leyte St., Gagalangin, dakong 10:30 ng gabi.
Bumibili ang biktima ng pagkain, kasama ang kanyang mga kaibigan, nang bigla na lang dumating ang mga suspek, na magkaangkas sa motorsiklo.
Marikina LGU: Ulat na dinukot ang 4 na menor de edad sa lungsod, fake news!
Nang makita ang biktima ay kaagad na pinagbabaril.
Kaagad na tumakas ang mga suspek patungo sa hindi mabatid na direksyon, ayon pa sa pulisya.
