Naalarma na ang militar sa namataang 53 na Chinese vessels sa West Philippine Sea (WPS) kamakailan.
Ayon sa Philippine Navy (PN), nasa 48 na Chinese fishing vessel ang naispatan sa Iroquois Reef at Sabina Shoal na saklaw ng WPS.
Lumabas ang impormasyon sa usapin matapos magsagawa ng ilang beses na air patrol ang PN sa lugar nitong Hunyo 30.
"The swarming of Chinese fishing vessels (CFVs) there is quite visible from the air," ayon kay Lt. Edgard Abogado, pilot-in-command ng NV312, isa sa light patrol aircraft ng PN.
"The CFVs were observed to be anchored in groups of five to seven and no fishing activities were noticed. They seem to just loiter in the area," sabi naman ni Lt. Karla Andres, co-pilot ng NV312.
Paliwanag ng militar, mas lumala ang sitwasyon ngayon dahil nasa 12 lamang ang namataang CFV sa lugar nitong Pebrero at ngayon ay umabot na sa 48.
Kabilang din sa naispatan sa Iroquois Reef at Sabina Shoal ang tatlong barko ng China Coast Guard at dalawang People's Liberation Army Navy (PLAN).
“Recto Bank is a vital feature within the Philippine’s Exclusive Economic Zone (EEZ), and China must cease its swarming of vessels to respect our sovereign rights," sabi naman ni Armed Forces of the Philippines (AFP) Western Command (WESCOM) spokesperson, Commander Ariel Coloma.
Dahil dito, posibleng maghain na naman ng diplomatic protest ang Pilipinas laban sa China
