Nasa 1,321 na magsasaka ang binigyan ng lupang sakahan sa Bohol, Cebu at Negros Occidental, ayon sa pahayag ng Department of Agrarian Reform (DAR) nitong Huwebes.
Ito ay matapos ipagkaloob ng ahensya ang titulo ng 1,171.34 ektaryang sakahan sa mga nasabing agrarian reform beneficiaries bilang bahagi ng kanilang Support to Parcelization of Lands for Individual Titling (SPLIT) project.
Paliwanag ni DAR Secretary Conrado Estrella III, magbibigay din ng iba pang tulong ang DAR sa mga magsasaka alinsunod sa kautusan ni Pangulong Ferdinand Marcos, Jr. bilang bahagi ng food security agenda ng pamahalaan.
"The distribution activities were simultaneously held in the three provinces of Central Visayas, with Secretary Estrella leading the event in Bohol, Atty. Kazel Celeste, Undersecretary for Field Operations Office (FOO), in Negros Oriental and Atty. Marjorie Ayson, Assistant Secretary FOO, in Cebu province," ayon sa pahayag ng DAR.
