Hindi takot na yakapin ang kaniyang edad si beauty-queen-turned-actress Lara Quigaman na nagdiriwang ng kaniyang ika-40 kaarawan nitong Martes, Enero 3.
Ito ang flex ng celebrity mom at aktres na looking young pa rin sa mga serye ng mga larawan sa Instagram nitong Martes.
“Sooooo happy to be 40 🤍 I really am not afraid or ashamed of growing older, because not everybody is given that privilege... I am truly truly grateful, excited, giddy even every year on my birthday, knowing that each day is a gift 🙏 Thank you Lord for another year,” mababasa sa caption ni Lara sa naturang IG post.
98% ng buhok, nalagas na; Doc Willie may mensahe sa kabataan, mga magulang
Kasabay ng kaniyang pagdiriwang sa espesyal na okasyon ang pagbuhos naman ng pagbati ng mga kaibigan sa showbiz at pageant industry.
Kabilang sa mga nagpaabot ng well-wishes sina Miss International Philippines 2021 Hannah Arnold, Dimples Romana, Miss Intercontinental 2021 Cinderella Obenita, Arlene Muhlach, Kakai Bautista bukod sa iba pa.
“Happy birthday Ms Lara 😍 thank you for inspiring us ❤️ May all your wishes come true!!” pagbati ni Hannah.
“40 never looked this good! ❤️ Happy birthday to my dearest dilaaaag! Love you forever!” sey ni Dimples.
“We have the same birthday, Ms. @laraquigaman OMG ❤️ Wishing you everything your heart desires. Thank you for taking good care of us in our Binibini journey,” ani Cindy.
“HAPPY BIRTHDAY BEAUTS!!!!! LOVE U!!! @laraquigaman 😍” pagbati rin ni Kakai.
“Happy birthday!!!!🎂🎉🎁🎈” komento ni Arlene Muhlach.
Bago nito, isang serye ng photoshoot din ang ibinahagi ni Lara kasama ang asawang si Marco Alcaraz noong Linggo, Enero 1, bilang pag-alala sa ika-11 anibersaryo ng kanilang kasal.
