Kahit impresibo ang inilaro ni 7'2" center Kai Sotto ay natalo pa rin ang Adelaide 36ers laban sa Perth Wildcats, 87-98, sa kanilang 2022-2023 NBL-Australia preseason match sa Eaton Recreation Center sa Western Australia nitong Biyernes.
Isinalansan ni Sotto ang 11 puntos, kabilang na ang mga umaatikabong dunk, at 11 rebounds.
Kumamada naman ng 23 puntos ang kakampi nitong si Antonius Cleveland.
Ito pa lang ang unang laro ni Sotto sa 36ers mula nang maglaro sa Gilas Pilipinas sa fourth window ng FIBA World Cup qualifiers.
'Pikon daw?' UAAP fan na nag-dirty finger, agaw-eksena sa San Juan Arena!
Naka-19 naman si Tashawn Thomas sa panig ng Perth habang ang kakamping si Luke Travers ay nakaipon ng 16 puntos at siyam na rebounds.
Muling maghaharap ang dalawang koponan sa nasabi ring lugar sa Linggo.
