Hindi na umano matutuloy ang nakatakda sanang pagreretiro sa pag-arte ng batikang aktres na si Jaclyn Jose, taliwas sa nauna na niyang ipinahayag sa kaniyang Instagram post sa unang araw pa naman ng Setyembre.
“I am retiring….marami po[ng] salamat," simpleng caption ni Jaclyn.
Sinegundahan pa niya ito sa comment section na maaaring dahilan ng kaniyang planong paghinto na sa aktingan.
"I just sooooo luv Andi and Gwen most and foremost to have come into this."
Maris, namundok matapos maeskandalo kay Anthony
"Masakit but… I know I have to go," aniya pa.
Hindi na idinetalye pa ng aktres kung ano ang pinagdaraanan ng kaniyang anak na si Andi Eigenmann.
Maikli man, subalit nataranta ang kaniyang mga tagahanga sa kaniyang anunsyo ng pagreretiro, lalo't naging sunod-sunod ang mga naging proyekto niya sa GMA Network. Ang huling teleserye niya ay "Bolera" na pinagbidahan ni Kylie Padilla.
Ngunit ilang saglit lamang ay agad niyang binura ang IG post. Ayon sa ipinadalang mensahe sa isang entertainment portal, gusto na raw talagang magretiro ng award-winning actress subalit may dalawang taon pa siyang kontrata sa Kapuso Network.
"I wanted to but I still have (a) 2 years contract with GMA," aniya.
Marami naman sa mga tagahanga niya ang tila nakahinga nang maluwag.
