Nawindang ang mga TikTok followers ni Kapamilya actor Joshua Garcia nang maispatan nilang nagkomento sa latest TikTok video ng aktor ang rapper, singer, at songwriter na si Nicki Minaj.
Sa latest TikTok video ni Joshua nitong Miyerkules, Agosto 31, muli siyang nagpakita ng "moves and grooves" sa saliw ng awiting "Super Freaky Girl x Luxurious" nina Nicki at Gwen Stefani. Makikitang naka-shades pa si Joshua at nakasuot ng dilaw na jacket.
Nagkomento naman ng emoji smiling with heart-eyes si Nicki. Ito ang TikTok account ng international singer-rapper dahil verified ito.
Ria Atayde, flinex paboritong bahagi ng araw niya
Umani naman ito ng iba't ibang reaksiyon at komento mula sa mga netizen.
"Nagko-comment po talaga siya sa mga gumagamit ng sound lalo na pag viral hshshshs."
"Nagko-comment siya kasi crush niya si Lodi Juswa."
"May nanalo na guys! Hahaha."
"Umabot na kay mareng Nicki kaguwapuhan mo Joshua."
Matatandaang napansin din si Joshua ng Fil-Am singer at social media personality na si Bella Poarch at inamin nilang parehong nagkaka-chat sila.
Basahin: https://balita.net.ph/2022/08/20/finish-na-ba-bella-poarch-aminadong-crush-si-joshua-garcia-aktor-bet-siyang-makita-sa-personal/">https://balita.net.ph/2022/08/20/finish-na-ba-bella-poarch-aminadong-crush-si-joshua-garcia-aktor-bet-siyang-makita-sa-personal/
Samantala, kagaya ng inaasahan ay umabot na sa milyon ang views ng TikTok video ni Joshua.
