Kinitil ng isang dalaga ang sariling buhay sa pamamagitan nang pagtalon mula sa ika-19 na palapag ng condominium tower, sa Sta. Mesa, Manila, nitong Sabado ng hatinggabi matapos umanong makaranas ng labis na kalungkutan dulot ng breakup nila ng kanyang kasintahan.
Dead on the spot ang biktimang itinago sa pangalang Lyn, 34, dahil sa matinding pinsalang tinamo sa ulo at katawan.
Batay sa ulat ng Manila Police District (MPD) Sta. Mesa Police Station 8 (PS8), nabatid na dakong alas-11:52 ng gabi nang tumalon ang biktima mula sa 19th floor ng isang kilalang condo sa V. Mapa St., sa Sta. Mesa, kung saan rin siya naninirahan.
Ayon kay Roland Legaspi, security guard sa condo, kasalukuyan siyang nagpapatrolya sa parking lot nang makarinig ng malakas na kalabog.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Nang alamin ang pinagmulan, dito na niya nakita ang bangkay ng biktima, kaya't inireport sa kanyang superior na si Ayid Sahibul, na siya namang tumawag sa PS 8.
Sa pahayag naman ni Rowena Nillo, sinabi nito na dumaranas ng emotional distress ang biktima dahil sa paghihiwalay nila ng nobyo kamakailan.
Nagpahayag pa aniya ito ng kagustuhan na magpakamatay dahil dito.
Ang bangkay ng biktima ay dinala na sa Cruz funeral para sa otopsiya at kaukulang safekeeping.
