Sa hindi inaasahang pagkakataon ay nagkaharap sa isang event ang mga look-alike nina Vice President at DepEd Secretary Sara Duterte at Jericho Rosales, na sina Jayson Ormo alyas "Saraul" at Junrey Baug o "Jericho Rosales ng Moncayo" na parehong taga-Mindanao.
Nagkaharap ang dalawa dahil sa isang event kung saan kinuha silang special guests.
Kobe Paras, naka-three point shot na ba sa puso ni Kyline Alcantara?
Napanganga naman daw ang mga tao dahil buong akala nila, mga tunay na personalidad ang mga kaharap nila.
Unang nakilala ng sambayanan si Saraul nang mamataan siya sa mga sortie ng UniTeam sa Mindanao. Nagkaharap na rin sila ni VP Sara at natuwa umano ang Pangalawang Pangulo sa kaniya. Nangako naman si Saraul na iingatan niya ang kaniyang mga kilos upang maproteksyunan din ang imahe ng kaniyang ginagaya.
Basahin: https://balita.net.ph/2022/04/19/kilalanin-si-jayson-ormo-a-k-a-saraul-ang-twinnie-ni-davao-city-mayor-sara-duterte/">https://balita.net.ph/2022/04/19/kilalanin-si-jayson-ormo-a-k-a-saraul-ang-twinnie-ni-davao-city-mayor-sara-duterte/
Basahin: https://balita.net.ph/2022/06/20/saraul-nangako-kay-vp-sara-bibigyan-ko-ng-dangal-ang-mukhang-ito-sa-loob-ng-6-na-taon/">https://balita.net.ph/2022/06/20/saraul-nangako-kay-vp-sara-bibigyan-ko-ng-dangal-ang-mukhang-ito-sa-loob-ng-6-na-taon/
Samantala, si Junrey Baug naman ay naging viral matapos maispatang palakad-lakad sa isang perya. Matapos nito ay nagtuloy-tuloy na ang pagdating ng mga oportunidad sa kaniya. Sa ngayon ay product endorser na rin si Junrey at naitampok pa sa isang award-winning magazine show.
Basahin: https://balita.net.ph/2022/08/24/kamukha-ni-jericho-rosales-na-si-junrey-baug-todo-pasalamat-sa-mga-dumarating-na-oportunidad/">https://balita.net.ph/2022/08/24/kamukha-ni-jericho-rosales-na-si-junrey-baug-todo-pasalamat-sa-mga-dumarating-na-oportunidad/
Ngunit kaiba kay Saraul, hindi pa niya nakakaharap si Jericho Rosales, bagay na inaantabayan na ng madlang pipol.
