May spark nga ba sa pagitan nina Joshua Garcia at Jane De Leon?
Ito ang natanong kay Kapamilya actor Joshua Garcia na bibida kasama ni Jane De Leon sa nalalapit na muling paglipad ni “Darna” sa telebisyon.
“Magkaibigan lang kami ni Jane,” agad na tugon ni Joshua sa tanong ni Momshie Regine sa "Magandang Buhay" ukol sa totoong score ng relasyon nila ng aktres, Biyernes.
“Mabait si Jane. Maganda si Jane. Matalino si Jane. Napagaan niyang kasama. Magaan siya sa eksena,” dagdag ng aktor na aminadong madalas makasama ang aktres sa mga eksena.
Doc Willie Ong, napatawad na ba mga bagets na nam-bash sa kaniya noon?
Nauna na ring nahingan ng pahayag si Jane kaugnay ng relasyon nila ng aktor sa trabaho.
“Actually noong una, awkward kami, nangangapa kami sa isa’t isa pero slowly naman wino-workout naming yung friendship naming at ang maganda rito ay naging comfortable na kami sa isa’t isa,” sabi ni Jane sa isang pahayag kamakailan.
Tila kinuryente naman agad ni Joshua ang posibilidad na magkaroon ng spark sa pagitan nila ng co-star.
“Yes, okay ni Jane. It’s just that hindi pwedeng unahin ‘yung ganon. Dapat professional, ang hirap ng trinatrabaho namin,” anang aktor.
Nitong Marso, matatandaang naintriga ang aktor sa umano’y “rumored girlfriend” nitong si AteneoWomen’s Basketball player Trina Guytingco.
Hindi naman ito kinumpirma ng aktor.
