International pageant naman ang susunod na target ni Binibining Pilipinas first runner-up Herlene Nicole Budol.
Matapos ang isang programa para kay Herlene sa Angono, Rizal nitong Sabado, Agosto 6, isang anunsyo ang ipinabatid ng talent manager ng beauty queen na si Wilbert Tolentino.
“Gusto ko lang i-announce sa inyo na humingi ako ng basbas sa Binibining Pilipinas na naghanap ako ng international pageant na ilalaban ko pa rin sa Herlene at gagamitin pa rin niya ang Wikang Tagalog,” pagbabahagi ni Wilbert.
Pagpapakasal dahil lang sa anak, 'di bet ni Janella Salvador
“Ito ay marka para sa kanya na proud tayo bilang Pilipino,” dagdag niya.
Matatandaang nauna nang sinabi ni Herlene na hindi na siya sasabak muli sa isang national pageant.
Pangako naman ni Wilbert, ipagpapatuloy pa rin ni Herlene ang kaniyang karera sa showbiz at sa katunaya’y may mga endorsement itong pinagkakaabalahan ngayon.
“Hinding-hindi ko po kayo iiwan. Sabi nga ni Sir Wilbert, meron pa po mga susunod na laban kagaya sa international [scene]. Isisigaw ko po dun at handang-handa na po ako sumigaw ng Pilipinas kahit na Tagalog. Hindi ko kinakahiya,” sabi ni Herlene.
Hakot-award si Herlene sa naganap na coronation night ng Binibining Pilipinas mula Hulyo 31 hanggang Agosto 1.
