Hindi na muli sasabak pa sa national pageant ang fan-favorite na si Herlene Nicole “Hipon Girl’ Budol sa kabila ng pasabog na performance sa naganap na coronation night ng Binibining Pilipinas kagabi.
Hinakot ni Herlene ang maraming special awards kabilang ang Manila Bulletin’s Readers’ Choice Award, Binibining Shein, Binibining Pizza Hut, Binibining Kumu, JAG Queen, Binibining Silka at Binibining World Balance.
Ginulat din ng beauty queen ng Rizal ang pageant fans sa kaniyang matalas na sagot gamit ang Tagalog kung saan ipinunto niya na ang magsilbing inspirasyon sa maraming tao ang naging transpormasyon niya nang maging isang Binibini sa prestihiyusong pageant.
“Para sa akin, isang karangalan na nakatungtong ako dito sa Binibining Pilipinas bilang isang binibining hindi inaasahan. Para sa akin, ang sarap pa lang mangarap. Walang imposible. Isa po akong komedyante na laki sa hirap at ang aking transpormasyon ay magbigay ng inspirasyon because I know for myself that I’m uniquely beautiful with a mission.”
'It's an honor:' BINI Maloi, bet masampal ni Maricel Soriano
Target sana ng Kapuso comedienne ang koronang Miss Grand International (MGI) kaya naman ikinadismaya ng kaniyang fans nang wala itong masungkit na korona.
Gayunpaman, isang malaking tagumpay pa rin para kay Herlene ang first-runner up finish bilang unang sabak ng aspiring beauty queen sa isang national pageant.
Sa isang tweet naman ni Miss Universe Philippines Mary Jean Lastimosa, isang pag-amin naman ang sinabi umano ni Herlene.
“Chinika ko si Budol Sabi ko proud ako sayo ang galing mong sumagot! Sumali ka pa ulit. Sagot nya: last ko na to ate. Aww why naman langga,” mababasa sa tweet ng beauty queen.
Si Herlene ay talent ng YouTube vlogger at businessman na si Wilbert Tolentino.
