Mapapanuod na sa unang pagkakataon si The Voice Kids 2014 grand champion Lyca Gairanod sa Kapuso Network.
Sa isang teaser ng programang “The Boobay and Tekla Show” o TBATS ng GMA, game na game nang nakipagkulitan si Lyca sa tandem.
Isang tanong din ang diretsang sinagot ng teen star kung sakaling mabibigyan ng oportunidad na bumida sa isang teleserye ng GMA.
“Why not?” sey ni Lyca nang tanungin ni Boobay.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Sa parehong patikim ng TBATS episode, game na game ding sumalang sa isang aktingan si Lyca kasama si Tekla kung saan nasampal ng teen singer ang Kapuso comedian.
‘Nanggigigil din ako sa’yo. Alam mo ang tagal ko na sa GMA, ngayon lang ako [nasampal],” pabirong sabi ni Tekla.
Samantala, hindi nabanggit sa guesting ng singer sa programa kung magiging talent na siya ng GMA.
Mapapanuod ang naturang episode sa Hulyo 14, ika-10:30 pm, pagkatapos ng "Kapuso Mo, Jessica Soho."
Taong 2014 nang tanghaling unang grand champion ng The Voice Kids Philippines si Lyca.
