Kaugnay ng mga kumakalat na tsikang buntis siya at ang ama nito ay rumored boyfriend na si Aljur Abrenica, nagsagawa ng Facebook Live ang sexy actress na si AJ Raval upang ipakita ang kaniyang flat tummy.
Ipinakita ni AJ ang kaniyang suot na pantulog at pinabakat ang kaniyang hourglass figure, upang pabulaanan ang mga kumakalat na tsismis.
Nagkomento rin siya ng "Not True" sa ibinahaging tsika tungkol dito ng sikat na Facebook page na "Senyora".
Bukod dito, sunod-sunod din ang kaniyang posting ng mga litrato niya kung saan makikita ang kaniyang flat na tiyan.
Pagpapakasal dahil lang sa anak, 'di bet ni Janella Salvador
Bago si AJ, pinabulaanan na rin ito ng kaniyang talent manager na si Jojo Veloso.
Ayon sa ulat, hindi raw totoo ito dahil kasalukuyang nagte-taping ng action movie si AJ, kasama si Kiko Estrada, na pinamagatang "Sitio Diablo" sa direksyon ni Roman Perez, Jr. at under Viva Films.
Imposible naman daw na kung buntis si AJ, eh sasabak ito sa mga eksenang bakbakan at aksyunan.
Matatandaang naibahagi ni Manay Lolit Solis ang tungkol sa posible umanong pagdadalantao ni AJ.
"Totoo kaya Salve ang balita kina Aljur Abrenica at AJ Raval na magkakaroon na sila ng baby? Naku, ibig sabihin wala na talagang balikan sina Aljur at Kylie Padilla. Akala pa naman ng lahat puwede pang magkaroon ng ayos ang relasyon ng dalawa dahil sa 2 nilang anak," saad pa ni Lolit.
