Sa dalawang mahahabang Instagram posts, humingi ng paumanhin ang showbiz columnist at talent manager na si Lolit Solis sa mag-asawang Alex Gonzaga at Mikee Morada, kaugnay sa isyu ng chika niyang nakunan si Alex at ayaw pa itong ibunyag sa publiko, kundi sa vlog na lamang upang mapagkakitaan.
Pumalag naman dito ang mister ni Alex na Lipa City councilor. Diretsahan nitong sinabi sa comment section ng IG post na nasaktan siya sa mga paratang ng showbiz columnist.
BASAHIN:https://balita.net.ph/2021/10/10/lolit-solis-binanatan-ni-mikee-morada-dahil-sa-chismis-nito-na-nakunan-ang-asawang-si-alex-gonzaga/
Nitong Oktubre 12, naglabas na nga ng kaniyang mahabang paghingi ng dispensa si Manay Lolit.
Bretman Rock, ibinida ang Filipina Barbie Doll na likha ng Fil-Am artist
"Salve at Gorgy, gusto ko maging clear sa lahat na never ko ginusto na maka-offend o makasakit ng tao. Isa akong matandang babae, edad 74 going 75, at siguro sa buhay ko dumating na ako sa punto na gusto ko sana walang nagagalit o naiinis sa akin. I feel so lucky that in my long journey in life, mas naging maganda ang buhay ko na ibinigay sa mga taon na iyon. Sabi nga, what is important is the life you put in those years, kesa years in your life," aniya.
"Sa edad ko lalo na ngayon pandemic na madalas ang lockdown, quarantine, at wala ng mga activities na tulad ng press cons, nag-enjoy ako sa IG. Dahil ayoko lang na ma-idle ang utak ko sa katutulog, at walang ginagawa, naging mental exercise ko na ang IG na ginagawa na ring column ni Salve. Never ever ko nasa isip na may masaktan, ma-offend, o magalit dahil lang sa posting ko sa IG o sa column ko sa PSN at PM."
"Matanda na ako para magkaroon pa ng kaaway, ayoko din na meron nasasaktan sa isinusulat ko na ginagawa ko lang outlet para ilabas iyong nasa isip ko. If I have offended, o may nasaktan dahil dito, I Am Very SORRY. Hindi iyon at never iyon ang naging intention ko ng isulat at i-post ko iyon. So far, naging mabuti ang propesyon ko sa akin. Lahat ng dreams ko na hindi ko akalain makukuha ko, ibinigay sa akin.
Ayon sa kaniya, anuman ang itawag o ipukol sa kaniyang panlalait ng mga bashers, wala na sa kaniya iyon, lalo na kung hindi naman siya lubos na kakilala, lalo na sa mga tumatawag sa kaniyang tsismosa at mukha siyang pera.
"Forever grateful and thankful sa lahat ng blessings. Duon sa nagsasabi na tsismosa ako, mukhang pera, bobo , I agree. Siguro nga iyon ang binigay kong image sa tao, iyon ang nakita nila. No problem. Dahil ang importante lang sa akin iyon pagmamahal at respeto ng taong kilala ko. Iyon nakasama ko, iyon nakaka usap ko. Keber ako sa mga comments ng tao na hindi ko nakilala, nakausap or nakasama."
"They can call me names, disrespect me, hate me for all they want, ok lang sa akin. What is important is umabot ako sa edad na ito na hangga ngayon ay nagtataka ako kung bakit marami parin nagri react o apektado ng isang matandang babae na tsismosa, mukhang pera at bobo. Di ba dapat keber na sana sila sa akin ? Hindi ba dapat hindi na lang ako pansinin ? Hindi ba dapat persona non grata na lang ako?"
"Why give me that importance of wasting your energy hating, defaming, and bully a 74 years old woman if no substance? Hindi ko talaga makuha ang logic. Ako si Lolita Solis na gusto ko lang magkaroon ng mental exercise by writing, I enjoy IG, I enjoy reading your comments, puwede kaya na pag binasa n'yo ang anuman isinulat o IG ko, can you please don't put malice dito?"
Dito na humingi ng paumanhin si Manay Lolit sa mag-asawang Alex at Mikee. Na-appreciate umano ng showbiz columnist ang marespeto pa ring paninita sa kaniya ni Mikee, pero ipinaliwanag niya na hindi masama ang kaniyang motibo, at kung nasaktan man ito sa mga nasabi niya, dispensa ang hiling niya.
"Wala akong intention to hurt or cause pain. So SORRY if ito ang naging dating kay Alex Gonzaga at sa kanyang asawa. I will honestly say na I appreciate the very respectful comment of Alex Gonzaga husband. Hindi iyon ang motibo ko, hindi iyon ang gusto ko. If I have offended and hurt you, I deeply apologize. I understand what you mean na very trying ang experience na ito para sa inyong mag-asawa."
Samantala, as of this writing ay wala pang tugon ang mag-asawa kung tinatanggap ba nila ang paghingi ng paumanhin ni Manay Lolit.
