Umani ng sari-saring reaksiyon mula sa netizens ang kapansin-pansing pagliban umano ni Angelica Yulo—ina ni two time Olympic gold medalist Carlos Yulo sa house blessing ng kaniyang mga anak na si Karl Eldrew Yulo at Eliza Yulo.
Sa mga kumalat na larawan at video sa social media, makikitang masaya ang pagdiriwang ng naturang okasyon. Gayunman, napansin ng marami ang kawalan ng ina ng pamilya, na agad nagbunsod ng espekulasyon online.
Samantala, nagbahagi naman ng mensahe si Carlos Yulo para sa kaniyang mga kapatid kaugnay ng naturang milestone. Bahagi ng kaniyang caption ang, “To finally having a place to call your own—your own peace and your own beginning.”
Dahil dito, mas lalo pang naging usap-usapan ang isyu, lalo’t hindi rin umano nakita si Carlos kasama ang kanilang ina sa nasabing okasyon.
Narito ang ilan sa mga komento ng netizens:
Andrea Del Rosario, nagbiro sa mga may pic kasama si Bato: 'Lahat kayo for questioning daw!'
“Bakit wala ang nanay? Parang may kulang sa okasyon.”
“Sana okay lang sila, baka busy lang talaga si Angelica.”
“May tampuhan kaya? Napapansin ko kasi parang hindi sila nagkakasama lately.”
“Huwag agad mag-judge, baka may valid reason naman.”
“Ang importante, masaya yung house blessing. Congrats sa kanila!”
“Family is family pa rin, sana maayos kung may problema man.”
“Curious lang, pero sana respetuhin din privacy nila.”
“Baka may work or important commitment si Angelica that day.”
“Nakaka-miss makita silang kompleto sa mga ganitong events.”
Matatandaang naging laman na rin ng usap-usapan sa social media ang umano’y hindi pagkakaunawaan sa pagitan ni Carlos at ng kaniyang ina na si Angelica sa mga nakalipas na panahon. Ilan sa mga isyung iniuugnay rito ay may kinalaman umano sa personal na desisyon ni Carlos, kabilang ang kaniyang girlfriend na si Chloe San Jose at usaping pinansiyal.
Sa kabila nito, nananatiling pribado ang buong detalye ng sitwasyon ng pamilya, at wala pa ring opisyal na kumpirmasyon kung may alitan nga o simpleng pagkakataon lamang ang pagliban ni Angelica sa naturang house blessing.
