ni Jhon Aldrin Casinas
Magiging maalinsagan at mainit ang panahon sa buong bansa ngayong katapusan ng linggo habang ang easterlies ay magpapatuloy na humihip ng mahalumigmig na hangin mula sa Pasipiko, sinabi ng state weather bureau noong Sabado, Marso 20.
Sa pag-update ng panahon nito sa umaga, sinabi ng Philippine Atmospheric, Geophysical and Astronomical Services Administration (PAGASA) na ang mga easterlies o hangin mula sa silangan ay magpapatuloy na makaapekto sa bansa.
“Asahan po natin na mainit at maalinsangang panahon sa buong kapuluan,” sinabi ni Ignacio.
Larry Gadon, magsusumite na ng resignation; 'di raw alam announcement ni Usec. Castro
“May inaasahan tayong mga isolated na pag-ulan o ‘yung biglaang pagbuhos ng ulan ngunit ito’y panandalian lamang at isolated cases,” dagdag niya. Ang Metro Manila at ang natitirang bahagi ng bansa ay maaaring makaranas ng bahagyang maulap hanggang sa maulap na kalangitan na may kalat-kalat na pag-ulan o pagkulog at pagkidlat dahil sa nagaganap na easterlies.
Maaaring bumalik ang Amihan’
Sinabi ni Ignacio na ang hilagang-silangan na hangin o “amihan” ay tinatayang babalik sa Lunes, Marso 22, ngunit makakaapekto lamang sa Hilagang Luzon na maaaring makaranas ng malamig na panahon. “By Monday or Tuesday, meron tayong inaasahang amihan so hindi pa rin tayo totally na tag-init season or dry season,” sinabi niya.
“Pero sa southern portion ng ating bansa, sa may Southern Luzon, Visayas at Mindanao, ay patuloy nang nararamdaman ‘yung dry season natin,” dagdag niya.
Ipinaliwanag niya na maaari lamang opisyal na ideklara ng state weather bureau ang pagsisimula ng tag-init kung maramdaman ito sa buong bansa.
“At the end of this month or first quarter nang April ay maaari na nating asahan na buong kapuluan ay maaari nang makaranas ng tag-init,” wika ni Ignacio
