ni Nitz Miralles
IN-ANNOUNCE na rin last Friday sa 24 Oras ang Kapuso stars na gaganap na mga kontrabida sa Voltes V: Legacy ng GMA-7. Inabangan din ang announcement sa kung sino ang mga makakalaban ng Voltes V, kaya tutok ang Kapuso fans dito.
Chloe punumpuno ang puso dahil kay Carlos, inurirat kung kailan papakasal
Sa role ni Prince Zardos, napili at pumasa sa audition si Martin del Rosario na isang magaling na aktor at kahit anong role, kayang-kayang gampanan. Matagal na rin sa showbis si Martin at marami ng roles ang nagampanan, pero para sa kanya, biggest break niya ang gumanap na Prince Zardos sa “Voltes V: Legacy.”
“Kumabog ang puso ko nang malaman kong ako ang napili, biggest break ko nga ito at matindi ang paghahanda naming lahat. May script reading na kami at inihahanda ko ang sarili ko mentally and physically,” pahayag ni Martin.
Sa role ni Zandra, ang pumasa sa audition ay si Liezel Lopez na kahit bago pa lang, nagpakita na ng galing sa pag-arte. Rason siguro ito kung bakit hindi sya nawawalan ng project. Sumailalim siya sa sword training at sinamahan pa ng boxing at arnis.
