ni Tara Yap
Ang Department of Public Works and Highways (DPWH-6) ay nagsasagawa ng dalawang magkakahiwalay na proyekto na magsisilbing bagong mga ruta sa pagitan ng mga lalawigan ng Iloilo at Antique sa Panay Island.
“Two simultaneous works are ongoing to have alternative routes for travelers in these two provinces,” sinabi ni Engr. Al Fruto, DPWH-6 assistant regional director for Western Visayas.
Sinabi ni Fruto sa BALITA sa isang panayam nitong Biyernes, Pebrero 5, na ang 41-kilometrong kalsada na nag-uugnay sa bayan ng Lambunao sa lalawigan ng Iloilo at bayan ng Valderrama sa lalawigan ng Antique ay tapos na sa kalahati.
Heidi Mendoza kay PBBM: ‘Mukhang trip to Jerusalem lang’
“The construction is for the remaining 20 kilometers,” ani Fruto.
Mayroon ding anim na kilometrong kalsada na magkokonekta sa mga bayan ng Tubungan sa lalawigan ng Iloilo at San Remigio sa lalawigan ng Antique.
Ang dalawang alternatibong kalsada ay nakikita na magbibigay ng mga pagpipilian sa mga manlalakbay upang makarating sa kanilang mga patutunguhan nang mas mabilis dahil sa ang ruta ay dadaan sa hangganan ng bayan ng San Joaquin sa lalawigan ng Iloilo.
Ang dalawang magkakahiwalay na proyekto sa kalsada ay isa sa maraming isasagawa ng DPWH-6 sa susunod na tatlong taon.
Pinag-aaralan din ang iba pang mga alternatibong ruta sa pagitan ng mga lalawigan Iloilo at Antique, ngunit nahaharap ito sa mga hamon sa kalupaan.
“There are feasibility studies, but we might have to revise or amend construction strategies,” dagdag ni Fruto.
