HANDA na bang umibig muli si Asia’s Pop Diva Julie Anne San Jose? Mayroon kasing bagong hugot song si Julie Anne, titled Try Love Again, na maaari nang mapakinggan at ma-download sa digital platforms ang newest single niya.
“It’s a love song, it’s a hugot song,” kuwento ni Julie Anne sa GMANetwork.com. “Medyo acoustic-ish ‘yung vibe n’ya and then soulful. I guess, mas soul siya kaysa dun sa mga nakaraan, soulful siya na parang R&B, acoustic, chill gano’n! Tiyak na makaka-relate sa kanta ang mga brokenhearted na gustong magsimula muli.”
Hindi naman lihim na minsan na ring umibig si Julie Anne pero hindi ito nagtagal.
“Ang message ng song is lahat naman tayo dumadaan sa hardships. Lahat naman tayo ay may heartaches na napagdadaanan. But if you open your heart again, you can try to love again and be open to possibilities kasi ang pagmamahal and’yan lang naman sa paligid natin. So minsan kahit ‘di natin hinahanap, kusa na lang s’yang dumarating sa buhay mo.”
'Para pa ba sa akin 'to?' Zephanie, muntik nang umexit sa showbiz
Sa ngayon ang pinagkakaabalahan ni Julie Anne ay ang pagiging The Clash Master with Rayver Cruz sa The Clash Season 3. Napapanood ang musical competition tuwing Sabado, 7:15PM after Pepito Manaloto at tuwing Linggo.
-Nora V. Calderon
