Hindi pa napagpasyahan ng aktres na si Liza Soberano kung gagawa ng ligal na aksyon laban sa mga netizen na nag-“red-tag” sa kanya dahil sa paglabas sa isang webinar ng Gabriela Youth.

“Our client has no instructions for that at the moment,” sinabi ng abogadong si Juanito Lim, ang legal counsel ng celebrity, sa panayam ng CNN Philippines nitong Biyernes, Oktubre 23. Nagpahayag din ng pasasalamat ang abogado kay Lieutenant General Antonio Parlade Jr., commander ng Southern Luzon Command ng militar at tagapagsalita ng National Task Force to End Local Communist Armed Conflict (NTF-ELCAC), sa pagsabi sa mga netizen na huwag i-“red-tag” ang aktres.

Sa tagubilin ni Soberano, sinabi ni Lim na nakipag-ugnayan siya kay Parlade at nakapag-usap sila nang mabuti sa telepono nitong Huwebes ng hapon, Oktubre 22.

“I am very happy that it would appear that the government, that the AFP (Armed Forces of the Philippines) is very responsive to the calls or communications from the civilian sector,” sinabi ng abogado.

Duterte siblings, nag-bonding: 'Always something to be grateful for'

“Liza knows that the interviewer is the Gabriela Youth but she is not aware that the Gabriela Youth is under the radar of the AFP of some sort,” paliwanag niya.

Noong nakaraang linggo, nagsalita si Soberano sa isang forum na inayos ng Gabriela Youth na tumalakay sa iba’t ibang mga isyu na kinakaharap ng mga batang babae at kabataang kababaihan sa gitna ng COVID-19 pandemya.

Gayunpaman, ang kanyang pakikilahok sa webinar ay nakakuha ng pansin ng mga netizen na iniugnay siya sa pangkat na pinaghihinalaang na kaalyansa ng mga rebeldeng komunista. Bagaman sinabi niya sa netizens na huwag i-“red-tag” si Liza, pinayuhan ni Perlade si Soberano na mayroon siyang “chance to abdicate that group” at huwag sumunod sa mga landas ng iba pang mga miyembro ng Gabriela Youth na sumali sa New People’s Army (NPA) at nauwi sa kamatayan sa mga engkwentro sa militar.

“We take note of the general’s advice, unsolicited as it may be,” sinabi ni Lim. “However, we would like everyone to know that Ms. Soberano will continue to exercise her constitutionally protected right to free speech and expression without fear and restraint from anyone,” sinabi ng abogado.