Nasa 13 lugar ang isinailalim sa Signal No. 2 kaugnay ng bagyong ‘Pepito’ habang 12 pang lalawigan ang apektado nito, ayon sa Philippine Atmospheric, Geophysical and Astronomical Services Administration (PAGASA).
Sinabi ng PAGASA, habang papalapit sa kalupaan ang bagyo ay itinaas na sa Signal No. 2 ang mga lugar ng La Union, Ifugao, Benguet, Nueva Vizcaya, Quirino, Pangasinan, Nueva Ecija, Tarlac, Aurora, southern portion ng Isabela (Palanan, San Mariano, Benito Soliven, Naguilian, Gamu, Burgos, San Manuel, Aurora, Cabatuan, Luna, Reina Mercedes, Cauayan City, Dinapigue, San Guillermo, Angadanan, Alicia, San Mateo, Ramon, San Isidro, Echague, San Agustin, Jones, Santiago City, Cordon), southern portion ng Ilocos Sur (Sugpon, Alilem, Tagudin), northern portion ng Zambales (Iba, Palauig, Masinloc, Candelaria, Santa Cruz, Botolan, Cabangan), at ang northern portion ng Quezon (General Nakar).
Isinailalim naman sa Signal No. 1 ang Abra, Kalinga, Mountain Province, Bulacan, Pampanga, Bataan, Metro Manila, Rizal, northern portion ng Camarines Norte (Paracale, Jose Panganiban, Capalonga, Vinzons), Catanduanes, northern portion ng Quezon (Infanta, Real), at ang bahagi ng Zambales.
Binanggit din ng PAGASA, inaasahang hahagupit ang bagyo sa Aurora o Isabela sa loob ng 24 oras, mula kahapon.
HS Romualdez, ikinatuwa pagkapanalo ng mga kandidato ng Lakas-CMD: 'A victory of trust!
“’Pepito’ was at 295 kilometers (km) east of Baler, Aurora around 10 a.m., Tuesday, with maximum sustained winds of 65 kilometers per hour (kph) and gustiness of up to 80 kph,” ayon sa PAGASA.
Sa pagtaya pa ng ahensya, pagkatapos na mag-landfall, tatawid an bagyo sa Luzon at kikilos sa West Philippine Sea ngayong umaga bao ito lalabas ng bansa sa Huwebes.
-Ellalyn De Vera-Ruiz at Jun Fabon
