Hindi na bibitayin ang isang overseas Filipino worker (OFW) sa Kuwait na hinatulan ng kamatayan dahil sa pagpatay sa kanyang partner na isang Pinay noong 2008, ayon sa Department of Foreign Affairs (DFA).

Sa pahayag ng DFA, si Bienvenido Espino ay binigyan ng clemency ng Amir ng Kuwait na si Sheikh Sabah Al-Ahmad Al-Jaber Al-Sabah.

Si Espino ay malaya na at nakauwi na sa Pilipinas matapos umalis sa Kuwait nitong Agosto 30 sa tulong ng Philippine Embassy sa Kuwait Chargé d’Affaires ad interim at Consul General Mohd. Noordin Pendosina Lomondot.

Nakulong si Espino sa loob ng 13 taon sa Sulaibiya Central Jail at matapos ang 12 taon ay pinagkalooban ito ng pardon o kapatawaran bilang tugon na rin sa apela ng Philippine government.

Eleksyon

Mayoral bet, pumalag sa isyu ng driver niyang dinakip dahil sa 'food packs'

Nabatid na natanggap ni Espino ang Amiri pardon sa pagtatapos ng Eid season, kasama ang iba pang Pinoy detainees sa nasabing piitan.

“On behalf of President Rodrigo Roa Duterte, my deepest and most profound gratitude goes to His Highness The Amir for granting clemency to OFW Bienvenido Espino, and for giving our kababayan a chance to start a new life in the Philippines. The Philippine government, through the Embassy, had been asking the Kuwaiti government to pardon OFW Espino. No less than then-Presidents Gloria Macapagal Arroyo and Benigno S. Aquino III personally appealed to His Highness The Amir to grant clemency to OFW Espino. Even after his death sentence was reduced to life imprisonment in 2013, the Philippine government remained persistent in appealing for the Amir’s pardon, through our letters to the Kuwaiti Ministry of Foreign Affairs,” pahayag pa ni Lomondot.

Noong Mayo 2008, hinatulan ng Kuwaiti Court of First Instanceng bitay si Espino matapos mapatunayang nagkasala sa pagpaslang sa Filipina partner nito noong Oktubre 2007.