Nanawagan sa pamahalaan ang isang grupo ng mga eksperto na ibasura ang “white sand” beach project nito sa Manila Bay dahil umano sa pagiging overprice ito.

Paliwanag ni ex-Rep. Terry Ridon, Infrawatch PH convenor, dapat ding isapubliko ng mga nagsusulong ng proyekto ang halaga ng dolomite sand dahil sa laki ng inilaang pondo nito.

“The unit cost of dolomite sand should be no more than PHP 600 per metric ton (or no more than the total amount of PHP 56.977-Million for 62,100 cu. meters) which is the highest retail price recorded by the Mines and Geosciences Bureau in 2017,” paglalahad ni Ridon.

“The current market price of dolomite sand is PHP469.50 per metric ton. Anything more will lead the public to believe that the project is not only a health hazard, but also overpriced,” dugtong nito.

Metro

Babaeng lulong sa online gambling, sinaksak ang anak dahil sa Wi-Fi password

Dapat din aniya ay ginastos na lamang ang nasabing pondo para sa mga hakbang ng gobyerno kontra coronavirus disease 2019 (COVID-19) pandemic.

“The last time white sand was on the news, a former President was convicted of plunder. DENR’s white sand project is worse than plunder, because the project’s use of dolomite sand as beach topfill causes cancer, lung failure and other serious illnesses,” pagdidiin ng dating kongresista.

Sinabi ni Ridon, dating pinuno ng Presidential Commission for the Urban Poor (PCUP), mas makabubuti rin kung gastusin na lamang ang nabanggit na pondo sa mahahalagang bagay na mapapakinabangan nang husto ng taumbayan.

“For comparison, the average cost of a two-lane road is around P25 million to P30 million per kilometer. The same amount can also fund a month’s social amelioration funding for almost 80,000 vulnerable families,” sabi nito.

Nagbabala rin ito na mapanganib sa kalusugan ng publiko ang naturang dolomite sand dahil maaaring magkaroon ng cancer o sakit sa bato ang sinumang malantad dito.

Idinahilan din ni Ridon na walang binabanggit ang pangunahing dolomite sand supplier ng bansa na ang nasabing buhangin ay maaaring gamitin sa beach.

“Dolomite sand has typically been used for as: auxiliary materials for iron and steel, plate glass for construction materials, automotive glass, fertilizer, soil conditioner. Nothing in this list mentions dolomite as viable for use as artificial sand for beaches,” pahayag nito.

Bukod aniya sa pagkahapdi at pamumula ng mata, nakatutuyo rin ng balat at nakaaapekto sa baga ang matagal na exposure sa dolomite sand.

“Overexposure may cause silicosis, cancer, bronchitis, or emphysema,” pahayag pa ni Ridon.

Kaugnay nito, binatikos din ng environmental group na Greenpeace Philippines ang nasabing proyekto.

Iginiit ni Kisha Muaña, Oceans campaigner ng Greenpeace Phils., wrong timing ang proyekto dahil panahon ngayon ng pandemiya kung saan maraming pamilya ang nahihirapang mamuhay matapos mawalan ng trabaho.