BAGO pa pinost ng talent manager na si Lolit Solis sa kanyang Instagram account ang tsikang magsasama sina Luis Manzano at Billy Crawford sa TV5 kahapon ng 10:30AM ay na-text na namin ang boyfriend ni Jessy Mendiola noong Agosto 31, 12:08 PM para alamin kung totoong may offer siya sa nasabing network pero hindi kami sinagot na nakatataka dahil halos lahat ng tanong namin sa TV host ay lagi siyang may sagot maliban sa isang particular question namin tungkol sa kanyang buhay pag-ibig noon na ayaw pa niyang i-reveal ang sa kanila ni Senorita Jessy.
At dahil sa hindi niya pagsagot tungkol sa offer o pagkakaroon niya ng programa sa Kapatid network ay iisipin naming totoo ito at ayaw muna niyang i-reveal dahil under negotiation pa o wait na lang itong i-launch?
Anyway, kahapon nga ay nag-post si ‘Nay Lolit sa IG account niya ng larawang magkasama sina Luis at Billy na nagpahiwatig siyang may pagsasamahang show nga ang ex-hosts ng Pilipinas Got Talent.
Valentine, dinogshow si Maris: 'Kailangan talaga OOTD si Sadness?'
Ang caption ni ‘nay Lolit, “Iyon balita na magsasama sa isang show sila Luis Manzano at Billy Crawford ay very welcome, Salve. Maganda ang combination ng dalawa, swak ang chemistry at mukhang may laban agad kung iisipin mo.
“So far lahat ng nababalitang gagawin show ng TV5 magaganda at panlaban sa rating. Mas mukha pa ngang maganda ang mga line up ngayon kaysa nuon naunang launching ng Chanel 5. Now palaban lahat ng nababalitang show na gagawin. Ganyan kasi dapat ang ginawa nuon una, pinakiramdaman muna ang market, pinag-aralan mabuti, at hindi nagpadala sa engganyo na kumuha agad ng mga big stars pero hindi mo alam kung ano ang gagawin nila.
“Saka nuon, ang nasusunod iyon gusto ng stars, kaya lumalaki ang cost of production. Meron kang star pero walang magandang project, now project talaga saka kinukuha ang mga artista. At wala na iyon gaya ng dati na bluffing sa negotiation, ngayon iyon tunay na presyo at trabaho na ang usapan.
“Now nakikita mo na at nadarama , maganda na ang path na tinatahak , maganda na ang mga plano, ayos na. Panlaban na talaga, at palaban na. #classiclolita #takeitperminutemeganun #73naako.”
Anyway, habang sinusulat namin ang balitang ito ay hindi pa kami binalikan ng tinanungan namin sa TV5 kung ano ang katotohanan sa Luis at Billy tandem.
-REGGEE BONOAN
