MAGSISIMULA na sa Lunes (August 17) ang rerun ng hit Afternoon Prime ng GMA-7 na Prima Donnas, kaya sa mga hindi nakapanood sa pagsisimula ng istorya ng drama series, chance niyo nang mapanood ito. Malalaman ninyo ang background ng magkakapatid na Mayi (Jillian Ward), Ella (Sofia Pablo) at Lenlen (Althea Ablan) at kung bakit minahal sila ng Kapuso viewers.
Isa nga sa cast si Jillian na nasubaybayan ng press people ang paglaki mula nang ipakilala siya ng GMA-7 sa Trudis Liit. Si Jillian ang bet na Kapuso viewers na maging next Dyesebel, next Darna at next Marimar, ito ay kung muling gagawin ng GMA-7 ang mga nabanggit na projects. May problema lang sa Darna at Dyesebel dahil nasa ABS-CBN na ang exclusive rights nito, unless, ibibigay uli ng mga Ravelo sa Kapuso Network ang rights na gawin ang project.
Kaya lang, ginagawa ng pelikula ng Star Cinema ang Darna with Star Magic talent Jane de Leon, kaya malabong magawa ito ni Jillian.
