NAGLABAS ng ‘show cause order’ ang Games and Amusement Board (GAB) laban sa pamunuan ng Global Makati Football Club (Global FC), sa pangunguna ni team manager Mark Jarvis bilang bahagi ng imbestigasyon na isinasagawa ngayon ng ahensiya patungkol sa kabiguan ng koponan na maibigay ang mga suweldo ng kanilang mga players at staff.

Ayon kay GAB Chairman Abraham ‘Baham’ Mitra, binigyan ng ahensiya ang Global FC ng 10 araw na taning para magpaliwanag at magbigay ng kanilang dokumento bilang kasagutan ng mga reklamo at hinaing ng mga players upang hindi mapatawan ng sanctioned at bawian ng lisensiya.

Kung mawawalan ng lisensya hindi na makalalaro ang Global FC sa pagbabalik ng season ng Philippine Football League (PFL) na kamakailan lamang ay pinayagan nang magbalik sa ensayo matapos maaprubahan ng Inter-Agency Task Force ang Joint Administrative Order (JAP) na magkatuwang na binuo ng GAB, Philippine Sports Commission (PSC) at Department of Health (DOH).

“The Global Makati Football Club and team manager Mark Jarvis are hereby directed to submit their answer within 10 days from receipt hereof, stating therein why their licenses should not revoked or suspended for failure to perform their obligation as professional licensees of the Board.

'I really love you kuya!' Tapatang Pacquiao brothers, ekis mangyari!

“Failure of licensees to comply herewith shall be sufficient ground for them to be blacklisted pursuant to GAB Resolution No. 2015-03 of 2015,” pahayag sa show cause order na may petsang Agosto 4, 2020 at nilagdaan nina Mitra at Commissioners Mar Masanguid at Ed Trinidad.

Nag-ugat ang desisyon ng GAB mula sa natanggap na reklamo ng 15 players at isang physical therapist na hindi sila pinasuweldo ng Global FC sa nakalipas na buwan bago pa man malagay sa community quarantine ang bansa bunsod na COVID-19 pandemic.

Mahigit sa P1 milyon ang pinakamalaking utang ng Global FC sa dalawang players na sina Jhorel Aristorenas at Jerry Barbaso, habang P125,000.00 ang pinakamaliit para kina Felipe Trilpulca Jr., John Paul Canieso at James Paul Dorego.

“The Games and Amusements Board has been receiving complaints that some of the players of Global FC professional football team have not yet received their salaries. To comply with the due process requirements, the Board has conducted investigation and thus issued a show cause order to the management of Global FC to explain its side in writing within 10 days from receipt of such order,” pahayag ni Mitra.

“Lastly, as Agency tasked with regulating and supervising professional sports in the country, GAB shall ensure that the welfare of our professional athletes should be upheld at all times,” aniya.

Nagbigay na rin umano ng memorandum ang PFL laban sa Global FC, ngunit wala pang pormal na pahayag ang liga kung pinatawan ng sanctioned ang pamunuan ng koponan na dating pagmamay-ari ni Azkals team manager Dan Palami.