Noon lamang Lunes, Hulyo 20, napaulat ang pag-atakeng ginawa ng Chinese Coast Guard (CCG) sa mga Pilipino sa Ayungin Shoal.
Bunsod ng naturang aksyon, nasaktan ang isang Pinoy—na kalauna’y napag-alamang isang personnel ng Philippine Navy (PN).
Dahil dito, kinondena ng Palasyo ang ginawang pag-atake ng China sa katubigan ng Pilipinas.
Ayon sa Malacañang, hindi katanggap-tanggap ang mga ganitong ganap.
“Alam po natin kung ano na po ang naging statement ng secretary ng DND, si Secretary Gibo Teodoro; pati po ang pamunuan ng AFP; at ito po ay kanilang kinokondena. Sinabi po na hindi tayo pasisiil. Pati po ang DFA ay nagbigay na rin po ng pahayag,” saad ni Presidential Communications Office (PCO) Undersecretary at Palace Press Officer Atty. Claire Castro sa press briefing ng PCO noong Martes, Hulyo 21.
Aniya, “Hindi rin po ninanais ng Pangulo ang mga ganitong klaseng insidente—na siyang nagbibigay ng polisiya na dapat tayo ay tumugon sa mga ganitong klaseng mga insidente through a diplomatic manner.”
“So, hindi po talaga katanggap-tanggap itong nangyayari sa pagitan po ng bansa po natin at ng China,” dagdag pa niya.
MAKI-BALITA: Palasyo sa pag-atake ng CCG sa Ayungin Shoal: 'Hindi katanggap-tanggap!'-Balita
Umabot na rin sa ibang mga bansa ang naturang ulat, kung saan ang ilan sa kanila ay nagpahayag pa nga ng pagkondena at pagkabahala sa pag-atakeng ginawa ng CCG sa Ayungin Shoal.
UNITED STATES OF AMERICA
Kinondena ng US ang China sa anila’y mapanganib na aksyong ginawa nito sa katubigan ng bansa, kung saan nasaktan ang isang PN personnel.
“The United States condemns China’s dangerous and escalatory actions at Second Thomas Shoal on July 20 that injured a Philippine service member serving on the BRP Sierra Madre,” saad ni United States Ambassador to the Philippines H.E. Lee Lipton sa kaniyang pahayag noong Martes, Hulyo 21.
Anila pa, “The United States stands with the Philippines, its oldest treaty Ally in Southeast Asia, as a force for peace and prosperity.”
MAKI-BALITA: US, kinondena ‘dangerous,’ ‘escalatory actions’ ng China sa Ayungin Shoal-Balita
CANADA
Mariin ding kinondena ng Canada ang mga naganap sa Ayungin Shoal—na kinasasangkutan ng CCG.
Ayon sa Canada, nararapat lamang daw na ayusin ang “disputes” sa mapayapang paraan.
“Canada is concerned by the troubling incident that injured a Filipino Marine in the South China Sea on July 20,” saad ng Canada sa kanilang pahayag nitong Miyerkules, Hulyo 22.
“We oppose the use of intimidation and unilateral actions that risk the safety of vessels & undermine regional stability. Disputes must be resolved peacefully in accordance with UNCLOS,” giit pa nila.
MAKI-BALITA: Canada sa CCG attack sa Ayungin Shoal: 'We oppose the use of intimidation and unilateral actions!'-Balita
REPUBLIC OF KOREA
Nagpahayag din ng “concern” ang Republic of Korea matapos ang insidente na naganap sa Ayungin Shoal.
“The Embassy of the Republic of Korea in the Philippines is concerned about the recent incident near Second Thomas Shoal in the South China Sea,” anila sa kanilang pahayag nito ring Miyerkules, Hulyo 22.
“South China Sea is a critical sea lane of communication, vital to ROK's national interest,” dagdag pa nila.
“The Embassy reaffirms its support for peace, stability and safety in these waters, as well as freedom of navigation and overflight, in accordance with international law, including UNCLOS,” pagtatapos nila.
EUROPEAN UNION
Ayon sa delegasyon ng European Union sa Pilipinas, mariin din nilang tinututulan at kinokondena ang mga aksyong maaaring magdulot ng kapahamakan; gayundin ang mga banta sa regional stability.
“The EU has repeatedly expressed its deep concern over the steady increase of tensions and dangerous incidents in the South China Sea and firmly opposes any unilateral actions that endanger the safety of personnel at sea and threaten to undermine regional stability and the international rule-based order,” saad ng EU delegation sa kanilang pahayag noong Martes, Hulyo 21.
Samantala, narito ang mga bansang napapaloob sa European Union:
- Austria
- Belgium
- Bulgaria
- Croatia
- Republic of Cyprus
- Czechia
- Denmark
- Estonia
- Finland
- France
- Germany
- Greece
- Hungary
- Ireland
- Italy
- Latvia
- Lithuania
- Luxembourg
- Malta
- Netherlands
- Poland
- Portugal
- Romania
- Slovakia
- Slovenia
- Spain
- Sweden
