Naiuwi na sa bansa kahapon ang bangkay ng 88 overseas Filipino workers (OFWs) na nahawa sa coronavirus disease 2019 (COVID-19) at iba pang sakit sa Saudi Arabia.
Sa inilabas na ulat ng Department of Labor and Employment (DOLE), dakong 11:00 ng umaga kahapon nang dumating sa Ninoy Aquino International Airport (NAIA) Terminal 3 sa Pasay City via Philippine Airlines flights.
Ayon sa DOLE, sa kabuuang bilang, 45 rito ang namatay sa COVID-19 habang 43 naman sa iba’t ibang sakit at sanhi.
Ang mga namatay sa virus ay agad na ididiretso sa crematorium.
Bago rito,binigyang pagkilala o heroes’ welcome sa Balagbag ramp sa airport para sa mga iniuwing labi ng OFWs mula sa Al Khobar, Jeddah at Riyadh.
CDO mayor, ipinag-utos pagbawas ng pagkonsumo sa kuryente, petrolyo bunsod ng tensyon sa Middle East
Matatandaang naipagpaliban ng pamahalaan ang sa pagpapauwi sa mga labi ng mga ito dahil naantala ang pag-iisyu ng mga kinakailangang dokumento.
-Bella Gamotea
