Napili at itinalaga bilang Gilas Pilipinas interim head coach para sa simula ng 2021 FIBA Asia Cup qualifiers si TNT consultant Mark Dickel.

Ang dating 2-time Olympian mula New Zealand ang pansamantalang gagabay sa national team ayon sa statement na inilabas ni Samahang Basketbol ng Pilipinas (SBP) chairman Manny V.Pangilinan.

Nakatakdang ihanda ni Dickel ang Gilas para sa unang dalawa nitong laro kontra Indonesia at Thailand sa FIBA Asia Cup qualifiers.

“In his short stint in the Philippines, Coach Mark has performed creditably well’, ani Pangilinan sa kanyang statement.

Another gold! Hidilyn Diaz, isa nang guro sa UP Diliman

“We want to hit the ground running for the upcoming 2021 FIBA Asia Cup Qualifiers. We all know what he did to help TNT in such a short span and we’re confident he can also move things quickly as we prepare for the first window this February,”dagdag nito.

Naka-apat na conference ng cinsultant para sa TNT si Dickel mula noong 2018 Governors’ Cup.

Si Dickel na rin ang syang mamumuno sa pagpili ng mga bubuo sa 12-man line-up ng Gilas na kukunin mula sa 24-man pool na binubuo nina Troy Rosario, RR Pogoy, Ray Parks Jr., Kiefer Ravena, Poy Erram, Christian Standhardinger, Japeth Aguilar, CJ Perez , Mac Belo, Matthew Wright at mga cadets na sina Isaac Go, Matt at Mike Nieto, Rey Suerte, Allyn Bulanadi, Justine Baltazar, Dave Ildefonso, Thirdy Ravena, Kobe Paras, Juan at Javi Gomez de Liano, Jaydee Tungcab, at Dwight Ramos.

Inaasahang pipili ang SBP ng isang full time coach para sa Gilas sa ikalawang window ng FIBA Asia Cup qualifiers sa Nobyembre.