Kinilala ng pamahalaang panlalawigan ng Negros Oriental ang isang Dumagueteñong manunula na nanalo sa prestihiyosong 2026 Golden Haiku Poetry Competition na ginanap sa Washington, D.C., United States, kamakailan.
Ayon sa Facebook post ng pamahalaang panlalawigan nitong Martes, Abril 7, ang nasabing manunula ay kinilalang si Keanu Paul B. Sygaco.
Kung saan, ang kaniyang haiku ay nag-standout sa higit-kumulang 5,000 entries na isinumite mula sa 90 bansa, 50 US states, District of Columbia, Virgin Islands, at Puerto Rico.
Ang award-winning na haiku ni Sygaco, na base sa temang “The Joy of Nature” ay ang sumusunod:
“community garden
'Not withheld!' Top 1 ng March 2026 PLE, retaker muna bago nagtagumpay
river-scent soil
under my nails”
Ayon sa opisyal na website ng Golden Triangle, lahat ng entries ay mabusising dumaan sa panel ng tanyag na published haiku experts na kinabibilangan nina Abigail Friedman, Lenard Moore, Kit Pancoast Nagamura.
Samantala, si Sygaco ay kasalukuyang nagtatapos ng kaniyang Master’s degree sa International Relations sa Johns Hopkins University School of Advanced International Studies, na nakatuon sa Security, Strategy, and Statecraft.
Siya rin ay nakapagtapos bilang summa cum laude mula sa Silliman University noong 2024, sa kursong Bachelor’s in Foreign Affairs.
Bukod pa rito, na-feature na rin ang gawa ni Sygaco sa 2024 Golden Haiku at The Japan Society’s Haiku Corner sa London noon ding 2024.
