PINAGHARIAN ni Cyrus James Damiray ang katatapos na first Lee-Ann Fidaire Inter School Rapid Chess Championship kiddies 12 years old and below.
Libre ang registration fee sa event na ito na ginanap sa 2nd Floor Open Kitchen Restaurant Airconditioned food hall , Rockwell Business Center, Sheridan, Greenfields District sa Mandaluyong City nitong Linggo, Disyembre 15, 2019 .
Tumapos si Damiray ng 6 wins at 1 loss tungo sa total 6.0 points sa seven outings, iskor na naitala din nina Stephen Johnel Extra at Karlycris Clarito Jr.
Subalit ng pinatupad ang tie break points ay nakamit ng 11 year old na si Damiray na grade 6 pupil ng Felipe Calderon Elementary School sa Tanza, Cavite ang titulo kasama ang top prize of P5,000 na sinuportahan ang event na ito ni two-time World Chess Olympiad member Woman National Master Cristina Santos Fidaire, ina ni Lee-Ann.
Tumapos si Extra sa 2nd para tangapin ang P3,000 kasunod ang 3rd placer na si Clarito na nagbulsa ng P2,000 sa event na punong abala sina China Aurelio at Mimi Casas ng Open Kitchen sa pakikipagtulungan nina Dr. Alfred Paez, Joel Pineda, Ryan Lopez Sauz at Byron Gabrentina Villar.
Manny Pacquiao, nag-ceremonial first pitch sa gitgitan ng Yankees at Athletics
Magkasalo naman sina Austin Klhoe Roan, Franiel Angela Magpily at Allan Gabriel Gabriel sa 4th hanggang 6th na may tig 5.5 points habang sina Francine Elaine Magpily, Julie Gelua Jr., Rainer Monteclaro, Juzeia Marielle Agne, John Matthew Alvarado, Launce Keyon Ty, Elijah Gabriel Santiago, Elaine Grace Antonio, Davin Sean Romualdez at Jace Oliver Fortin ay nasa 7th hanggang 16th placers na may tig 5.0 points.
Samantala ay nagpatuloy ang pagpapakitang gilas ni Cyrus Vladimir Francisco, isang grade 9 student ng Adamson University matapos muling magkampeon sa Open side event, 13 years old and above division. Si Francisco ay sariwa pa sa kampeonato ng 11th Gov. Amado Espino Cup Chess Championships 2019 (Under 14) nitong Disyembre 6 hanggang 8 sa Lingayen, Pangasinan at ang 1st Woman Fide Master Sheerie Joy Lomibao-Beltran (Under 14) Inter-School rapid chess championships nitong Disyembre 14 sa nasbaing lugar. Ang chief arbiter ay si NA/NM Rudy Ibanez, ang deputy arbiter ay si IA Rolly Yutuc habang ang tournament manager ay si Genghis Imperial.
