‘LITERAL’ na pinahirapan ni Betong Sumaya ang sarili niya sa kanyang first major concert, ang Try Ko Lang Ha? Betong’s Amazing Concert, na ginanap sa Music Museum, Greenhills last Thursday, November 21. Birthday concert na rin iyon ni Betong kaya todo ang ginawa niyang performance. Bakit pinahirapan daw ni Betong ang sarili niya, mula opening hanggang closing ng show, walang number na hindi siya kasama, mapasayaw man o kanta plus comedy skit pa, to think na nag-start ang concert ng 8:44pm at natapos ng 12:06am.

Opening pa lamang, dance number na, then kumanta siya mala-Regine Velasquez ng sunud-sunod na OPM songs na may birit pa. Si Alden Richards ang first sa kanyang mga special guests, dance number muna ni Alden then sila naman ang sing and dance na dalawa kasama na ang mga banters nilang dalawa since una silang nagkasama sa mga shows abroad. Magkasama sila ni Alden ngayon sa inspirational drama nilang The Gift, sinuportahan din sila ng mga kasama nila, nanood din sina Jean Garcia, Christian Vasquez, Tetay, Ysabel Ortega at si Direk LA Madridejos.

Sinuportahan din si Betong nga mga co-stars niya sa gag show na Bubble Gang at may sexy dance number sina Valeen Montenegro, Lovely Abella at Chariz Solomon na sinamahan din ni Betong. At pinalakpakan nang husto ang pagpasok ni Betong na naka-Antonietta character niya sa “Bubble Gang,”at lalo pang pinalakpakan nang pumasok si Michael V na naka-costume na kamukha ni Antonietta at ang pangalan naman niya ay si Amponietta. Sinuportahan talaga ni Bitoy si Betong na humanga siya sa husay nito sa kahit anong role na ibigay niya sa “Bubble Gang.”

Kalokalike ni Awra Briguela, mas maganda pa raw sa kaniya

Hindi rin binigo ni Kapuso Primetime King Dingdong Dantes si Betong, kasama naman ang mga nakasama nito sa Survivor Philippines na naging champion si Betong, sina Arthur Solinap, Carlo Gonzales, Chuckie Dreyfus at Maey Bautista. Sinamahan din ni Betong ang mga champion singers na sina Aicelle Santos-Zambrano, Maricris Garcia at Anthony Rosaldo. Tinilian din ng audience ang pagdu-duet nina Betong at special guest niyang si Miguel Tanfelix.

Hindi rin malilimutan na may nag-propose ng marriage na isang taga-GMA, si Oswald, sa girlfriend niyang si Sheena, sa gitna ng show. Kinantahan din si Betong ng birthday song, sa harap ng kanyang nanay na nanood sa concert. Present din ang mga executives ng GMA Entertainment TV at GMA News & Public Affairs na sinuportahan nang todo si Betong na halos maiyak sa tuwa dahil sa tinanggap niyang suporta sa mga fans at mga kasama sa trabaho. Kaya sulit naman ang ‘pagpapahirap’ ni Betong sa sarili. Congratulations, Betong!