LUMIPAD patungong Singapore si Arjo Atayde kasama ang girlfriend niyang si Maine Mendoza nitong Linggo ng umaga, kaya hindi nakadalo ang aktor sa ginanap na 35th PMPC Star Awards for Movies para personal na tanggapin ang Best Supporting Actor award niya para sa pelikulang Buy Bust, produced ng Viva Films.

Hindi naman inaasahan ni Arjo na mananalo siya sa nasabing kategorya, dahil pawang mahuhusay ang katunggali niya sa pagka-Best Supporting Actor, tulad nina Art Acuña para sa Goyo: Ang Batang Heneral, Joem Bascon sa Double Twisting, Double Back, Tirso Cruz III sa Rainbow’s Sunset, Gabby Eigenmann sa Citizen Jake, Teroy Guzman sa Citizen Jake, Tony Labrusca sa ML, Joel Lamangan sa School Service, Arron Villaflor sa Mamu and A Mother Too, at Jeffrey Quizon sa Goyo: Ang Batang Heneral, bukod pa sa sampung minuto lang ang exposure ni Arjo sa huling part ng Buy Bust, bilang ang drug lord na si Biggie Chen.

Samantala, masyadong naging abala sina Arjo at Maine kaya hindi sila masyadong nakakapag-bonding, kaya naisip nilang mag-date sa Universal Studios, Singapore.

Relasyon at Hiwalayan

Chloe punumpuno ang puso dahil kay Carlos, inurirat kung kailan papakasal

Nakasisiguro kaming maraming bashers ang hindi maniniwalang magkasama ang dalawa dahil may isang picture si Arjo na si Maine mismo ang kumuha, ang nagsabing hiwalay ang dalawa.

Maraming Pinoy ang nakakita kina Arjo at Maine at sila mismo ang nag-post sa kani-kanilang social media accounts with caption na pinik-ap naman ng ArMaine supporters.

Anyway, kuwento ng Pinay na nakasabay nina Arjo at Maine sa eroplano, mistulang blogger ang dalaga dahil nagkukuwento siya kung saan sila patungo ni Arjo at kinunan niya ang aktor na nakaupo naman sa katapat niyang aisle at sabay ngiti ng binata.

Habang naglalakad din sila sa Universal Studios ay panay pa rin ang tutok ng cell phone ni Maine at nagkukuwento sa bawat madaanan nila.

Kuwento pa sa amin ng mga nakakita sa dalawa, “Bagay na bagay sina Maine at Arjo sa personal. Mabait sila, okay sa kanila na maraming nagpapa-picture. Cute nila.”

Madaling araw naman ng Lunes kahapon dumating sa Pilipinas sina Arjo at Maine, at diretso kaagad ang aktor sa taping ng The General’s Daughter.

Ang tarush, magde-date lang sa Singapore pa!