NAKOPO ng National University ang kanilang ikalimang women’s crown sa loob ng anim na seasons matapos ang 3-1 panalo kontra La Salle kahapon sa UAAP Season 81 lawn tennis tournament sa Colegio de San Agustin courts sa San Jose Del Monte City, Bulacan.

Kinumpleto ng Lady Bulldogs ang 2-0 sweep ng Finals series.

Pormal nilang nakamit ang panalo pagkaraang magwagi ng second doubles tandem nina Jzash Canja at Annie Tumanda, 6-2, 6-2 kontra kina Kiezel Diaz at Jenni Dizon.

Nakauna pa ang Lady Archers matapos magwagi ni Angel Santiago sa first singles, 6-3, 6-1 kontra kay Zam Dumlao, bagi tumabla ang Lady Bulldogs psgkaraang manaig ng tambalan nina Mae Bornia at Alliah Elline Tobias Ragunton, 6-3, 6-4 kontra kina Jed Vallie Rayne Aquino at Arianne Nillasca sa first doubles.

Kasunod nito ibinigay ni Clarice Patrimonio ang kalamangan ss NU matapos ang kanyang 6-3, 6-1 paggapi kay Aubrey Calma sa second singles.

Manny Pacquiao, nag-ceremonial first pitch sa gitgitan ng Yankees at Athletics

Tinanghal na season MVP si Patrimonio, ang ikatlo para sa bunsong anak ng dating PBA great na si Alvin Patrimonio.

Napili naman si Shaira Rivera ng third placer Ateneo bilang Rookie of the Year.